આજનો e-Shabda…રોજે રોજનું નવું ઇ-વાચન... ઈ-શબ્દ ઉપલબ્ધ કરાવે છે એક સાથે, એક સ્થળે અનેક પ્રકાશકોની, અનેક લેખકોની ગુજરાતી ઈ-બુક્સ... આજનો ઈ-શબ્દ પર વાંચો હરહંમેશ નવું ગુજરાતી વાચન... સાથે અમૂલ્ય ફોટોગ્રાફ્સ, ઑડિયો ક્લિપ્સ, વિડીયો પણ...
  • Home
  • Explore Books
  • Authors
  • About Us
  • Contact Us
ebook-eshabda

આઠમની ધોધમાર મધરાતે એક વાર . . .

On August 17, 2014 by Admin

આઠમની ધોધમાર મધરાતે એક વાર,
પાનીને અડીને પૂર વળશે.
પાણીનીં ભીંત્યું બંધાઈ જાશે,
ને તે’દિ ગોકુળને ગોવાળ એક મળશે.
લીલુડાં વાંસ વન વાઢશો ના કોઈ,
ને મોરપીંછિયુંને ભેળી કરાવજો…

રોઈ રોઈ આંસુંની ઊમટે નદી તો એને કાંઠે કદંબવૃક્ષ વાવજો,
વાદળ વરસે ને બધી ખારપ વહી જાય
પછી ગોકુળિયું ગામ ત્યાં વસાવજો…

કવિ માધવ રામાનુજનું આ કાવ્ય મેં ક્યારેય પુસ્તકમાં છપાયેલું વાંચ્યુ નથી, કે નથી ક્યારે માધવભાઈના અવાજમાં સાંભળ્યું! મારી મમ્મીના અવાજમાં ગવાયેલું આ ગીત મારા મનમાં એ સમયથી છપાઈ ગયું છે જ્યારે મને એના શબ્દોની સમજણ પણ નહોતી પડતી. એના અવાજમાં આ ગીત કોણ જાણે કેટલીયે વાર સાંભળ્યું હશે. જગદીશકાકા (જગદીશ જોષી) પોતે પણ એ બહુ સરસ રીતે ગાતા પણ એમણે ઘણી વખત ફરમાઈશ કરીને એ ગવડાવ્યું હતું એ પણ મને યાદ છે. એક વાર તો સુરેન્દ્રનગરમાં એક કવિ-સંમેલનમાં માધવભાઈને સ્ટેજ ઉપર આ ગીત રજૂ કરવા માટે કોઈએ આગ્રહ કર્યો તો એમણે મમ્મીને ઑડિયન્સમાંથી બોલાવીને સ્ટેજ પરથી તે ગવડાવ્યું હતું.

આજે સવારે – જન્માષ્ટમીને દિવસે સવારે આ ગીત મનમાં કેમ એકાએક ક્યાંથી આવી ગયું ખબર નથી… પણ જેમ જેમ આખું ગીત યાદ કરતો ગયો એમ જાણે આજે પહેલી વાર આ ગીત આખું સમજાયું હોય એમ લાગ્યું. આજે જન્માષ્ટમી – કૃષ્ણજન્મ અને સાથે સાથે સુરેશકાકાની વિદાયનો દિવસ … અને ગીતનો પહેલો અંતરો …

આંખોમાં સાંભરણ ખૂંચશે કણાંની જેમ,
પાંપણને દ્વાર કેમ દેશું?
એક પછી એક પાન ખરશે કદંબનાં ને,
વેળામાં વિખરાતા રહેશું.
છલકાતું વ્હેણ કદી ઓલાતું લાગે તો વેળુમાં વીરડાં ગળાવજો,
રોઈ રોઈ આંસુંની ઊમટે નદી તો એને કાંઠે કદંબવૃક્ષ વાવજો,
વાદળ વરસે ને બધી ખારપ વહી જાય પછી ગોકુળિયું ગામ ત્યાં વસાવજો…

 

બહુ ઓછાં કાવ્યો એવાં હશે કે જે મેં જાતે ટાઇપસેટ ન કર્યાં હોય તે છતાં આખેઆખાં મગજમાં અંકિત થઈ ગયા હોય. અહીં આ કાવ્ય મારા મગજમાં જેવું છે એવું ઉતાર્યું છે કદાચ મૂળ પુસ્તક સાથે સરખાવીશ તો કોઈ ભૂલ – કોઈ પાઠફેર જડી આવશે પણ … અત્યારે તો આમ જ.

હા, આંખોમાં સાંભરણ કણાંની જેમ ખૂંચે પણ ખરું… પણ પાંપણને દ્વાર થોડી દેવાય છે? આંસુની નદીને કાંઠે કદંબવૃક્ષ જ વવાય… અને ગોકુળિયું ગામ ત્યાં વસે જ છે… મુરલી સંભળાયા કરે જ છે…

આજે ઇ-શબ્દ પર નવા ફિચર તરીકે આ બ્લૉગની શરૂઆત મારી લખેલી એન્ટ્રી સાથે કરીશ એમ ધાર્યું ન હતું. અહીં રોજે રોજ નવું વાચન મૂકવાની ઇચ્છા છે. કોઈ જાહેરાત કે પ્રચારના હેતુથી નહીં પણ ગમતું વહેચી શકાય અને એ બહાને વાંચવા માટે મિત્રો અહીં ભેગા થાય એવી ઇચ્છા છે.

અપૂર્વ આશર

Tags: Apurva Ashar, Madhav Ramanuj, Suresh Dalal

4 comments

  • Nirav Sangahvi August 19, 2014 at 7:57 am - Reply

    Wonderful composition by Madhav Ramanuj and nicely drafted snap. I am sure reading blog on e-Shabda will bring a lot of value addition to my Gujarati vocabulary and will keep my attachment intact to Gujarati literature.

  • જયંત મેઘાણી August 22, 2014 at 10:42 am - Reply

    શુકનિયાળ વાત માંડી…

  • Neela Lakhani Varma October 4, 2014 at 5:33 pm - Reply

    So good n interested matters in this website. Thanks

  • Kishan Thakker November 24, 2015 at 6:14 am - Reply

    લાગણીસભર શુરુઆત

Leave a Reply Cancel reply

Your email address will not be published. Required fields are marked *

Recent Posts

  • ‘મધર ઇન્ડિયા’ : નાટ્યાત્મક અંતની સર્જનકથા – ઉર્વીશ કોઠારી
  • અપરિહાર્ય અને અનિવાર્ય મૃત્યુના દુહા—બળવંત જાની
  • E-Shabda Gujarati App
  • મારું સુખ—કાજલ ઓઝા વૈદ્ય
  • દરિયા ઉપરથી – ‘છેલ્લો કટોરો’ — મહાદેવ દેસાઈ

Recent Comments

  • રાહુલ on વાત યાદ આવે… —કાજલ ઓઝા વૈદ્ય
  • Palak on વાત યાદ આવે… —કાજલ ઓઝા વૈદ્ય
  • Jishnu Panchal on અશ્વિન મહેતા… ગમતા ‘ડોસલા’ની વિદાય ટાણે…
  • www.yantraidol.com on અશ્વિન મહેતા… ગમતા ‘ડોસલા’ની વિદાય ટાણે…
  • હરીશ દવે on શબ્દથી ઇ-શબ્દ સુધી – અપૂર્વ આશર

Categories

© 2017 e-Shabda. All Rights Reserved.